ايجى ميديا

الخميس , 24 سبتمبر 2020
عصام الحضرى يرد على تسريب رسالته مع مكسيكية-كلة بالاد بالحكومة تعد ماسبيرو بجراج جديد بعد تطوير ماسيروماسبيرو يطلب 50 مليون جنيها من الحكومة لنقل وصلات كهربائ الجراج قبل هدمهالرسامه والفنانة دينا بدر تقدم لبرنامج انا والضيف روسوماتها بالفحمتعرف علي سبب ترشيح فييرا للزمالك واستبعاد باتوشكاكريستين داغر نجمة سكاي نيوز عربية تحقق تفوقا علي مذيعات الرياضةالأهلي يغرم كهربا مليون جنيه.. واللاعب يعتذر لمنظومة العمل بالفريقنايل سات يطلب من القنوات التعليمية سرعة التعاقدلجنة الانضباط تجتمع باتحاد الكرة اليوم..وغرامات مالية وايقافات للمتجاوزيناتحاد الكرة يخطر المصرى بإصابة 3 لاعبين بكورونامذكرة بمنع التعاقد على إعلانات دون الرجوع للقطاع الاقتصاديوقف أحدي مديري الاخبار عن التعليقات لخروجه عن التقاليد والأعراف الإعلاميةالحنفي حكما للزمالك والاتحاد غداوزير الرياضة: مونديال اليد أول حدث عالمى يتم بثه من العاصمة الإداريةايقاف الهاني سليمان 3 مباريات وتغريمه 50 ألف جنيه.بقلم -ميادة على سعيد - " في المقهىعمرو أديب يعلن توقف برنامجه شهراتعرف علي السببجمال عنايت يرفض تقاضي مخصصات مالية نظير عضويته في الوطنية للإعلاممقاعد جديدة للمذيعين والضيوف بإستديوهات الإذاعةعامر حسين: انتظروا معوقات جديدة تواجه الدوري

سمر صلاح تكتب -عفوا لقد نفد رصيدكم

- كتب   -  
سمر صلاح تكتب -عفوا لقد نفد رصيدكم
سمر صلاح تكتب -عفوا لقد نفد رصيدكم

 
كلمة بتزعل لكنها هي حقيقة ..
لما تلاقي الشخص اللي اتعودت تهمله وترجع باي وقت  تلاقيه فاتح دراعاته ليك..سابك ومشي
لما تلاقي الشخص اللي اتعودت تزعله وترجع بكلمة صغيره تصالحه..مبقاش مهتم
لما تلاقي الشخص اللي اتعودت  تجرحه بكلامك وأفعالك  وهو دايما ساكت..خرج عن سكوته
ساعتها هتعرف ان رصيدك عنده خلص...انت بكل براعة استنفذته ،،استنفذته لما اعتقدت انه safe target مهما عملت ومهما قلت ومهما اهملت  هيفضل يستحمل ويغفر ويسامح
بس الوجة التاني للعملة..اننا زي اَي شىء بيتشحن ..بتفضل تشحنه بأفعالك وتصرفاتك سواء حب او كره...
مواقفك وردود أفعالك علي مدة سنين هو  رصيدك عند  الآخرين
وسواء كان رصيد مليان مواقف حلوة اوً وحشة...فبمجرد ما ابتديت تسحب منه  وتضغط عليه وتهمل فيه هيجي الوقت وهتتصدم بان عفوا لم يعد لديك رصيد كافي.
ماتخدوش حد كأنه شخص مسلم به لانه بيسامح كتير وبيعدي الوحش وبيتراضي بكلمة حلوة بسرعة..هايجي وقت وطاقته هتنفذ وهتلاقي بطل يسامح بطل يعذر او مش هتلاقي اصلا.
اللى بيراهن على الوقت غالبا بيبقى خسران من فترة شوفت خبر لحد مشهور شاب ثلاثينى مشهور جميل محبوب مرفه حب و اتجوز بس اول ما بدأ يشوف المسئولية و الاولاد وقف .. قال انه مش قادر يكمل و بالفعل انفصل سنين كتير يروح و يرجع و هو مقرر انه يفضل كدة و فى الاخر هيرجع تانى اصلها هتروح فين  انا بحبها و هى مستنيانى كان نفسى اقولكم ان نهاية القصة انها رفضت ترجع له بس الحقيقة ان البنت توفت فجأة بأزمة قلبية فتخيل كام الوقت و العمر اللى ضاع و انت متخيل انها فى الاخر هترجع لك عادى بس انت راهنت على الوقت .. أنت ضامن عمرك أوعمرها ؟ ضامن رصيدك ميخلصش.
التراكمات بتهد رصيد الغلاوة اوعى تحاول تراهن على قوة تحمل حد و محبته عشان ممكن فى يوم تصحى و انت مش حاسس و متمادى فى اللى بتعمله تلاقى غلاوتك بقت "صفر".
انتوا بتضيعوا عمر بعض ليه ؟ ليه متوقع ان اللى بيحبك هيفضل شايل و متحمل بس عشان بيحبك ؟
المشهد دة انا شوفته بالحرف و لسة بيرن فى ودنى كل كلمة قالتها البنت ؛ كانت بتحبه لدرجة انه كان بيقول عليها مملة مش مدياله فرصة ياخد نفسه (على حد كلامه) طول الوقت انتقاد لتصرفاتها وكانت دايما تقول بس انا عارفة انه بيحبنى ودة كان كلامها بعد فترة من التراكمات :
بقالى كتير مبعتتلكش مش ملل و لا زعل قد ما هو رد فعل طبيعى لصدك ليا و لمشاعرى كل مرة بس النهاردة يوم مختلف النهاردة انا صحيت من النوم و قررت انك مش هتكون فى حياتى ابدا بعد النهاردة ؛ قرار صعب بس واضح انه مر لا مفر منه مر زيك على رأى أم كلثوم :اسأل روحك .. اسأل قلبك قبل ماتسأل ايه غيرنى.
 هى خدت قرار صعب بس مش هتنسى يمكن هى عاشت معاه اكتر ما عاشت لوحدها بس هى قفلت باب مجاش منه غير وجع و حيرة باب كان لازم يتقفل من وقت طويل بس لولا المشاعر اللعينة و الذكريات اللى بتفضل معلمة و الخوف منانك متقدرش تعيش بعده .. كل واحد لعب و راهن على الوقت يستحق البعد اللى حبك كان يستحق يتحب بس انت مكنتش تستحق .
ألحقوا نفسكم قبل ما اللى صابرين عليكم يزهقوا أو يروحوا وتندموا على الوقت اللى ضاع .. متخلصوش رصيدكم عند حد عشان لما تفكتروا تحبونا هنقول "كان فيه و خلص" .

التعليقات