ايجى ميديا

إذا رأيت أحدهم منطفىء فحدثه كثيرا عن مزاياه ؛ حدثه كثيرا عن جمال قلبه حدثه كثسرا أنه أحمل شىء على وجه الأرض حدثه كثيرا حتى يعود و يضىء.
أوعى تكون سبب ان حد يتطفى ؛ أوعى تكون صاحب كلمة اتقالت و وجعت وعلمت و خلت اللى سمعها ميقدرش ينام ؛ اوعى تبقى قليل الذوق و لسانك الناس بتخاف منه و تقول بهزر او تقول اصل انا اللى فى قلبى على لسانى لا لو اللى فى قلبك يوجع احتفظ  بيه لنفسك .
الكلمة الحلوة ليها مفعول السحر ممكن كلمة واحدة تخليك تشيل جبل بس بالحب و متقدرش تشيل حبة رمل بسبب كلمة وحشة ضايقتك .
هى ليه اختفت ؟ ليه مبقناش نسمعها مع انها مش مكلفة بس بتفرق اتعلم كل يوم تجبر بخاطر حد بكلمة .
اعرفوا ناس بتبتسم و تشوفها تفرح على الصبح ناس بتحب الموسيقى و الكتب ناس بسيطة وواضحة اعرفوا ناس معندهاش أسرار و لا بتنقل و بتتكلم عن اخبار و اسرار الناس اعرفوا ناس فاهمة نفسها عشان متتعقدوش من حيرتهم اعرفوا ناس عندها هدف و عارفة تروح له ازاى .. ابعدوا عن الناس الغامضة اللى مشاعرها غامضة و حياتهم كتاب مقفول كفاية أمراض نفسية ماشية على الأرض كفاية مهازل فى صورة بشر كفاية ارواح شريرة و ناس مهزومة .
دور على الناس اللى كلامهم حلو ومبهر و اسلوبهم حلو دور على ناس بتعرف تحاصرك بحبها .. تروشك بروحها الجميلة دور على الناس البريئة اللى بتفرح لفرحك وبتتوجع لما تبعد قرب من ناس تخاف تفارقك قرب من ناس بتحبك هتلاقيهم موجودين  .
دور على ناس بتعرف تصنع السعادة و تهادى من غير اسباب كفاية ناس مبتبطلش شكوى على حاجات هما اللى اتمنوها .. كفاية ناس تجيب الهم و المرض شوف ناس فرحانين باللى عندهم و بيتهنوا بيه ناس شايفة الدنيا حلوة مش جاية علينا على طول الدنيا حلوة فيها ناس حلوين بتعرف تاخدك من الملل و الروتين للحلو اللى فى الدنيا .
و أنت .. شوف نفسك بعين حد تانى بعين حد بيحبك مش شايف غير اد ايه انت جميل و قوى مش شايف انك خايف مش بيزود خوفك لا عارف يحتويه بيغير افكارك السلبية عن نفسك .. حد شايفك و مركزمعاك بس فى الحلو بينفض التراب اللى على افكارك عشان يقولك اد ايه انت شخص جميل .. مؤمن بيك ايمان كامل .. دور عليه و كلم نفسك من خلال الشخص دة .
شوف لك حد يفرش لك الارض ورد .. عشان انت تستاهل الورد .