ايجى ميديا

  لوكنت قلتلي في التمانينات ان ممكن في يوم من الايام تتفرج علي تلفزيون ملون وتتنقل بين القنوات بجهاز في ايدك من غير ماتقوم تغير القناة من التليفزيون واسمه ريموت كنترول... او لو كنت قلتلي في اختراع غير الاريال ممكن يجيب قنوات من بلاد تانية اسمه دش او لو كنت قلتلي تقدر تتكلم في اختراع ماسكه في ايدك وانت ماشي في اي مكان ايام ماكان التليفون بقرص واللاسلكي اعجوبة ولو كنت قلتلي انك ممكن تتفرج علي اي فيلم في اي وقت علي شاشة رفيعة غير الصندوق الخشبي اللي جواه الشاشة وغير جهاز الفيديو البيتاماكس اللي كان اختراع ساعتها... ولو كنت قولتلي انك ممكن تصور علي كاميرا من غير مايكون جواها فيلم تحمضه... ولو كنت ... ولو كنت... ولو كنت.... كنت انا قولتلك ... امشي ياد من هنا ... انت يا اما شارب ... يا اما حلقة ماكجايفر بتاعة اخترنالك الاربع اللي فات لسه مأثرة عليك!! ولو كنت قولتلي اننا هانكون اغراب في بيوتنا ووسط اهالينا ... كل واحد قاعد بجسمه ولكن عقله مركز في موبايله و مش موجود معانا!!! ولو كنت قولتلي في حاجة اسمها السوشيال ميديا هاتاخدنا من بعضينا...كنت قلتلك ابقى اتغطى كويس وانت نايم!!!! بس للاسف طلع عندك حق!!! وانا اللي غلط!!! اااااااه من القلب علي الزمن الجميل !!