مقالات > سمرصلاح تكتب -قدر تتقدر

كتب إدارة التحرير
21 يوليو 2019 1:54 م
-

سمرصلاح تكتب -قدر تتقدر

  انت عارف ان كلمة واحدة منك قادرة انها تعمر خراب في قلب بنى آدم يا تزود الخراب دة .. عارف ان كلمة شاطر هايل برافو عليك ممكن تخلى إللى قدامك يطلع كل طاقته في الحاجة الى بيقدمها . فى ظاهرة اسمها Pygmalion effect بتقول انك لما تقول لشخص ان توقعاتك فيه كبيرة دة في الغالب هيخليه يعمل احلى اداء عنده و يعمل كل إللى يقدر عليه مهما كان مضغوط و هيتفوق على نفسه و هيعدى توقعاتك. الدعم بيفرق ..كلمة انت تقدر بتفرق ..انا واثق فيك لما تقولها لحد هتخليه واثق في نفسه . جرعة الثقة إللى بتاخدها من حد قريب منك و مؤمن بيك في لحظة انت فيها مضغوط و خايف هتخليك تطلع نتائج انت نفسك عمرك ما تخيلتها. فى مشهد فى فيلم war of the planet of the apes أبطال الفيلم قابلوا قرد كبير في السن لما جه يعرف لهم نفسه قال ان اسمه Bad Ape (قرد سئ ) كان غريب جدا ان حد يقول على نفسه كدة بس بعدها تقدر تفهم ان دة اللقب إللى كانوا الجنود الأمريكان بينادوه بيه كل ما يطاردوه او يعاقبوه يقولوا باد إيب . احنا ساعات بنعمل كدة و بنعمل كده مع الناس إللى بنحبهم مع اقرب الناس لينا مع أولادنا و مع اصحابنا مع زمايلنا في الشغل و مع أخواتنا و زى ما احنا ساعات بنعمل كدة احنا كمان ياما اتعمل فينا دة. الطفل إللى أهله بيوصلوا له دايما انه وحش سئ مش بيسمع الكلام دايما غلط اقل من اصحابه هو بعد شوية هيصدق دة عن نفسه و يتعامل بيه مع كل إللى حواليه. احنا فعلا مصدقين عن نفسنا حاجات كتير و هى مش حقيقة. أسوأ حاجة انك بعد ما تصدق عن نفسك الحاجات اللي وصلتك و تتعامل بيها مع الناس انها فعلا انت .. يصدقوك و يتعاملوا معاك انك كدة فعلا. حد بيقول وصلنى زمان انى مستاهلش و انى فاشل و انا صدقت دة كل ما أبدأ اشتغل شغل جديد أتعامل مع زمايلى انى فاشل و هما يشوفوا دة فيا و يتعاملوا معايا على انى فاشل. لما ابطل احب نفسى الناس هتحبنى ليه ؟ لما أكون رافض نفسى انت هتقبلنى ليه ؟ ما تصدقه عن نفسك يصل إلى الناس و يعاملونك به. كدة ممكن تفهم يعنى ايه "ما تبحث عنه يبحث عنك" و "انك لا تقابل الا نفسك فى طريق القدر" زى ما قال مصطفى محمود. بطل تعامل نفسك على انك باد ايب عشان العالم كله يبطل يعاملك على انك باد ايب. شجعوا بعض .. ادعموا كل إللى تعرفوهم كلمة الثقة إللى هتقولها لحد ممكن جدا تغير بيها حياته. خليك دايما فاكر ان إللى هتصدقه عن نفسك هو إللى هيوصل للناس و هو إللى هيعاملوك بيه.


اصدقاؤك يفضلون