منوعات > المخرج خالد سالم يكتب : مكوي بالأسعار

كتب اشرف سلام
22 سبتمبر 2017 4:35 م
-

المخرج خالد سالم يكتب : مكوي بالأسعار

 

قابلني صاحبي وكشر وبوزه بقى أمتار

وقالي انت ليه بتطبل وبالمزمار

قلت له فهمنى وافتكرت ان غلطت فيه وعكيت في الحوار

قالى مش شايف الأسعار بقت نار وبدل البقر والنيفة بناكل كفتة حمار

وان غاب القط قصده الرقابة العب يافار والرشوة زادت والذمة صابها العار

والبنزين ولع ورفع معاه السولار والعيشه خربت وجشع السادة التجار

قلت والحجج قوية وانا تحت الحصار

صديقي المتشائم الجميل لا ضرر ولا ضرار

انت في بيتك مسئول عن طلبات مراتك وعيالك طول المشوار

تشقى وتتعب طول النهار وهي تغسل وتكنس وتطبخ لحمة وخضار

وعيالك في مدارسهم مذاكرين شطار بص لى بنظرة فيها من الشر شرار

وقالي ده داخله ايه في موضوعنا يا ابو الأسرار

قلت له لو كل واحد فينا خد دوره الصح من الأدوار

المدرس يبطل دروس خصوصية واسعار الحصة اللي بقت نار

ويدي الدروس في المدرسة بس ويرحم الصغار

والتاجر الطماع لا يغالي في الأسعار

والدكتور الجشع اللي حول المشرط منشار

وسواق التاكسي يشغل العداد في كل مشوار

واللحمة نبطلها شوية ونشوف حيعمل ايه الجزار

والاسر ترجع منتجة ونزرع ارضنا ونعمر مصنع عماله عايزين تدريب وتاهيل علشان يرجع عمار

ونروح الجامع والكنيسة ونمشى مع بعض للخير مشوار

ساعتها الشعب كله يطبل ويزمر لمصر ولريسها المغوار اللي عايز يعبر بيها من مدار لمدار

الاعلامي خالد سالم


اصدقاؤك يفضلون